मनके आवाज
गजल १२
आँखिमसे जिन्दगानि झरल बेला टुँ अइलो ।
दिलमे अन्त बसाइ सरल बेला टुँ अइलो ।
खालि हुइल उ म्वाँर तुँहार बाचा कसम कर्लक,
घर अँगनामे अन्धार साँझ हुइल बेला टुँ अइलो ।
भित्रि मनके मन्दिरम टुहिन कत्रा पुजा पाठ कर्नु,
अइबो कना मनके आस मरल बेला टुँ अइलो ।
जत्रा साल हुइलसेफे जुनि जुनि माया करम कैख,
औरे जहनसे भोजक बाट करल बेला टुँ अइलो ।
सँग सँगे कर्ना रहे जिन्दगिके लम्मा यात्रा,
का कहुँ सैयौँ लडिया टर्कल बेला तुँ अइलो ।
अशोक रस्टेह्वा....✍️
एक टिप्पणी भेजें
0टिप्पणियाँ