आप्पन सग्ग सालि मजा || Aappan Sagga Sali maja || Gajal By Ashok Chaudhary
गजल -१
डिलडिमागहे लठ्ठ बनैना जहरहो गजल । निरास मनहे बाचे सिखैना रहरहो गजल । एकओरो कवाके एकान्टमे बैठल बेला, भित्रि मनके भाव बहैना रहरहो गजल । शब्द शब्दसे मोहन्याके कल्पनामे रमैना, रंगि बिरंगि संसारके शहरहो गजल । विवशताओ व्यस्तताले मित्रता टुटल बेला, पलपलमे अइटि रना यादके लहरहो गजल डिलडिमागहे लठ्ठ बनैना जहरहो गजल । निरास मनहे बाचे सिखैना रहरहो गजल ।
गजल-२
टुक्रा हुइलक मनके पिर ठामे नै सेक्नु । जालि स्वार्थि मनैनहे जाने नै सेक्नु । अन्धकारके भौरिम डुबल म्वार जिन्गि,
आघ पर उघ्रार डग्गर मै छाने नै सेक्नु । रोइनु पिरले राटडिन छट्पटैटि मै, टर इ मनभित्तर हरियालि लाने नैसेक्नु मुटुभर पिर-ब्याठा बोक्ना विवश जिन्गिम, पट्यार लग्ना षड्यन्त्र उ जाने नै सेक्नु । टुक्रा हुइलक मनके पिर ठामे नै सेक्नु । जालि स्वार्थि मनैनहे जाने नै सेक्नु ।
गजल-३
जिन्दगि जीत नैहोके हार हुइल संघारी । पबित्र मैयाँ नैहोके बेकार हुइल संघारी । जुनि-जुनि टिक्ना मैयाँ डिहेम कलेसे फे, टर उ स्वार्थी मैयाँ मुडारके ढार हुइल संघारी । अजम्बरी चल्ना कैख मनसे खाइल कसम, जान-जानके उ बिजलिक टार हुइल संघारी । एक नाहि डु नाहि सड्डभर कर्ना रह यात्रा, अच्कच्रह डग्गरसे छुरा प्रहार हुइल संघारी ।जिन्दगि जीत नैहोके हार हुइल संघारी । पबित्र मैयाँ नैहोके बेकार हुइल संघारी ।
गजल-४
हत्या हिंसा आतंक हे हटैलेसे पो सान्टि हुइ । चोर, डाकन पकरकन ठठैलसे पो सान्टि हुइ । रिस, डाह, इर्ष्या कर्ना हमार मनके चलनबा, डाडु भैया मिल्के बार्ता करैलसे पो सान्टि हुइ । स्वार्थ बिनाके कामकर्ना सक्कु जहिनके कर्तव्य हो, जालि झेलि कर्ना मनैन हरैलसे पो सान्टि हुइ । समस्याके भौरिम डेश डुबे लागल बेला, भारि लडिया वारपार टरकैलसे पो सान्टि हुइ । सक्कु करम विकास करम कना कर्ठ नेटाहुक्र, घर घरम भोट मंग्ना नेतन ठर्कैलसे पो सान्टि हुइ ।
गजल-५
मैया प्रेम से डेलक साच्चि गालि मजा । नक्कलि रलसेफे आप्पन सग्ग सालि मजा । ओर जहिन मिठ मुस्कान नैडेलसे काहुइल ट, उहओरसे हुकाहार ओठमे लगैलक लालि मजा । मोर लाग उ हेरबेर रहिन काली कालि,
टर महिन हुकाहार फुलाके डाली मजा । हुकाहार निश्चल रुपके मै बयान कसिक करु, तर ओरनके उत्साहके लाग बजैना टालि मजा । रुपरंग मजा नैरलसेफे बोली भर मिठास बटिन, टबक मार कहुँ ट हुकाहार कानके बालि मजा ।
अशोक रस्टेह्वा...✍️
एक टिप्पणी भेजें
0टिप्पणियाँ