जुझाके लजर टुँ झुकैलो || Jujhake lajar tu jhukailo
गजल-६
मोर मनहे भिजैना पबित्र साउनके झरि टुँ । मोर डिलमे बास करुइया मोर मनके रानी टुँ । नागबेलि केस टुहाँर गोहर गोहर गाल बा, मोर कल्पनमे सड्ड अइना स्वर्गके परि टँ । आज नाहि काल नाहि जुनि जुनि मोर बन्ना, मोर मनेम उरके अइना आकाशके चरि टुँ । एक नाहि डु नाहि सक्कु जहिनके टुलनामे,
मनहे खैना जिउहे खैना बहुट मजा सुन्दरी टुँ । मोर मनहे भिजैना पबित्र साउनके झरि टुँ । मोर डिलमे बास करुइया मोर मनके रानी टुँ ।
गजल-७
जुझाके लजर टुँ झुकैलो बधाइ बा । डेखाके मैयाँ महिन नुकैलो बधाइ बा । पटा रहे महिन टुँ अस्टक करबो कैख, मोर हिसाब माङ्क अपन चुकैलो बधाइ बा डुख खप्ना अचहनहे फे बठैठिस कठ, टर आज मोर कोमल मुटु डुखैलो बधाइ बा । मैयाँ डेना मैयाँ पैना आश मोर रहे बहुट, लडिया मे बहाके महिन सुखैलो बधाइ बा । जुझाके लजर टुँ झुकैलो बधाइ बा । डेखाके मैयाँ महिन नुकैलो बधाइ बा ।
गजल-८
सिसा जसिन टुट्ना फुट्ना उ बाट टुँ नाकर्होे । हमार मैयाँ ओरेजने लुट्ना बाट टुँ नाकर्हो । सम्झनामे माहिन टुँ निरन्तरता डेटि रहो, खडेरीमे उ टल्वा सुख्ना बाट टुँ नाकर्हो । जिन्गिक् उचैया ओल्हैया संगसंगे कर्टि जैबि, डोबाटोम आक बिचम छुट्ना बाट टुँ नाकर्हो । चोखा मैयाँ डेहक लागटे निडर रुपमे करेपरठ, गाउँ घरके कच्हेरिम जुट्ना बाट टुँ नाकर्हो । सिसा जसिन टुट्ना फुट्ना उ बाट टुँ नाकर्होे । हमार मैयाँ ओरेजने लुट्ना बाट टुँ नाकर्हो ।
गजल- ९
अपनाकन लेहे महिन अइना कैह्या हो । लालसाडी तिलह्री महिन लगैना कैह्या हो । एकदुई बर्ष कटि कटि जवानी चलजाई हमार, साच्चि कहो महिन अापन बनैना कैह्या हो । इ बर्षफे हेर्टि हेर्टि आस फे म्वार टुटे लागल, सदाबहार अापन ज्यान महिन डिलैना कैह्या हो । डुल्हि बनके मुस्कान डेटी टुहार लग्घु बैठ्के मै, ढुन ढराडके डिस्को बाजा बजैना कैह्या हो । बोर होगिल महिन यहाँ अकेलि बैठ्टि बैठ्टि, साच्चि कहो कसम सुहागराट मनैना कैह्या हो । अपनाकन लेहे महिन अइना कैह्या हो । लालसाडी तिलह्री महिन लगैना कैह्या हो ।
गजल-१०
रहर सक्कु मुस्याकल मै कसिक नाचु । पीडा केल बा मुटु भिट्टर मै कसिक हाँसु । सुख खोज्नु दुःख पैनु अभागि म्वार करमसे,
टुहिन डेना खोटो मैया मै कसिक गाँसु। बच्ना आधार कुछ नैहो जिन्दगिक भविष्यम, टुहाँर फोटु इ डिल भिट्टर मै कसिक टाँसु ।
जहोँर हेरो चारुवर समस्याके घेरो बा म्वार, बैरागि इ मोर मनके बाट मै कसिक साँटु । रहर सक्कु मुस्याकल मै कसिक नाचु ।
पीडा केल बा मुटु भिट्टर मै कसिक हाँसु ।
अशोक रस्टेह्वा...✍️
