मेथिक अचार
चहना सामग्री
० मेठिक बियाँ आढा किलो
० मुरैक बियाँ आढा किलो
० भाजिक फुक्नि ३ भारि चम्चा
० बेसार १ भारि चम्चा
० धनिया १ भारि चम्चा
० मिर्चा सुखल २ भारि चम्चा
० सोंफ १ भारि चम्चा
० नोन स्वाद अन्सार
० अड्ढन आइल पानी चाहल अन्सार
० लाहिक टेल चाहल अन्सार
बनैना टरिका
मेथि, मुरैक बियाँ, भाजिक बियाँ, धनिया, मिर्चा, सोवा इ सक्कु चिजहे अल्गे अल्गे मजासे भुज्ना । टब सक्कु चिजहे पिसके फुक्नि बनैना । एकठो सफा भाँरम पिसल मुरैक बियाँ ओ मेठिक बियाँ ढर्ना । टब उप्पर बटाइल अन्सार भाजि, मिर्चा, धनिया, सोवा, टिमुर, कर्या नोन, नोन डार्के मजासे खिडोर्ना । टब कराहि मे टेल ढिकाके कराहिम ढारल चारके उप्पर बेसार डार्के उप्परसे टेल छौंक डेना ओ सक्कु चिज मिल्ना मेरिक खिडोर्ना । एकठो भाँरम पानीक् अढन डोग्ना ओ ठोर ठोरचे डार्ने चलैने उहिहे गिब्बार बनैना टब सराइ डेना । सरैले से सफा सुक्खा डब्बम भरके उप्पर से ठोरचे पाकल जुर टेल डारके बन्ड कर्के सिटर ठाउँम ढारडेना । असिन बनाइल अचार लगट्टे फेन खाइ मिलट ।
नोट: अचार बनाइ वर सरसफाइ मे बहुट ढ्यान लगाइ परट ।
एक टिप्पणी भेजें
0टिप्पणियाँ