बाट उ बेलक हो संघर्यासे एकठो लावा संघर्यक जलम दिन मे गैल रहि । कार्यक्रम सोचल से ज्याडा मजा हुइलस नाच गान बुहुट हुइलस अपरिचिट मनैन से परिचय फेन करे मिलल् ।
अस्टे करम मे एकठो लावा मनै महिसे परिचय करे पुग्नै । उ मोर लाग लावा रहिट लावा अनुहार से मै परिचय करे पुग्नु । उ रोज मजा खानपिन हुइलस हम्रे संगे खैलिपिलि ओ संगे रमैलि उ एक रोज के कार्यक्रम हमार लाग बहुट छोट होगैल । उ छोट समय मे हमार गहिंर मैयाँ बाझगैल रहे । उ कहे लग्लै जानू महि टुहिन से प्यार होगैल उ मोर मनके बाट बोल्ले रहिंट । उ बाट से महि हाँसि लागल काहेकि मै फेन हुँकिन मन पराइ लागल रहुँ । उ राट हमार संगे बिटल मने बाँकि समय अकेलि कटैना बरा मुस्किल होगैल । केवल हुँकारे यादमे दिन राट कटे लागल ।
सपनाके हुकिन से बिटे लागल कब भेट करु कहाँ भेटु हुइलागल । जबसे हुकिन डेख्नु उहे रोज से हुकार चेहरा मोर आखिँम छप गैल हुँकार मिठ बोली मोर कानेम गुन्जे लागल । केवल हुकार अवाज सुन्नास लागे लागल । जब फोनमे हमार बाट होए असिन लागे चौबिसो घण्टा बाट कर्टि रहुँ । उ फेन महि से इहे बाट करिट जोन महिसे होए । डुनु जहन के हाल एक्के रहे । हम्रहिन एकठो प्रेम रोग पकर लेहल रहे इ रोग छुटैना बरा मुस्किल होगैल रहे ।
जब भेट होए डेख्के साँस रुक जाए डिलके ढड्कन जोर से चले लागे । हम्रे एक डोसरके ज्यान बनगैल रहि घुमे गैल मे सारा डग्गर रमैटि नेंगि , भिडियो फोटु खिचैटि । डेख्ना मनै फेन डिवाना होजाइट । एक रोज मिलन फेन बिछोड कबु सपना मे कबु बिपना मे हमार समय चल्टि रहल । बाबा डाइ महि बहुट सम्झैलै टर मै अपन ढुन मे रहुँ महि पटा नै रहे जाने कब प्याके ढागा टुटजाइ अचानक एक रोज हुँकिन ओरे जहन से रमाइ मोर आखिंक लजर परल । उहे बेला मोर मन झराक् से करल सारा मनक सपना बिछ्ना गैल सोचले रहुँ उ महि किल माया डेठै टर डोसर से रमाइट डेख्के सपनक महल भसक्गिल । आप महि उ मनैया हे भोजहा शुभ कामना डेना बाहेक कुछनै रहगिल हो । पाठक संघर्या अगर इ मोर जिन्गिक कहानि केकरो मे मिलि कलेसे संयोग किल सम्झबि ।
संन्जना...✍️
एक टिप्पणी भेजें
0टिप्पणियाँ