जब हुकार दुर्घटना हुइल खवर पाउते मोर साँस परान छुटेहस करे । असिन लागे कि मोर ओ इ लर्कानके का हुहिन । एक मनटे कहे घरे लौट जाउ, नै चाहि रुपया पक्कि घर, भुख्ले प्से सुख-दुख स्वदेसे मे जुनि काताप लागे मने का करनाहो खुछ नै रहल घरक मनैन केउ पत्याइठ ते नाइ । बरे हेल्हा कर्ठैं समजा मे । तब महि लागे समाज मे बैठक लाग रुपया ओ सुघ्घुर घरके जरुरठ बा । मने महि असिन नै लागे मै सुन्ले ओ देख्ले रहु एकल महिला ओ गोस्या परदेश रहल जन्निन हे समाज के हेराइ । जब मोर लर्कनके बाबा परदेश गैलिन तब महि महसुस हुइल इ समाज आँढर बा, कोइक हित नै खोजठ, गरिबनहे हेल्हा कर, ना कमाइठ देख्के बिह्रे मरठ् । मजा काम करे खोजुइएन के गोरा तानठ । सबसे दुखके बाट ते थरुवा परदेश रहल ओनके ते समाजमे बच्ना बरा मुस्किल बा ।
लर्का परका रहल जन्निनके ते आउर कर्रा बा । कहाँसे लर्कन खवाउ, कहाँ से स्कुल पर्हाउ । महि ओ लर्कन रुपया चाहल रहिन उहे ओहे ओरसे जब लर्कनके बाबा जाइलग्लिन ते मै मनेम ढैलेनु कुछ पाइक लाग पुछ गुमाइ फेन परठ् । मै बर्सो सम थरुवा के मैयाँ गुमैनु । जब उ अइलै पहिलक से हमार मैयाँ, सम्बन्ध पहिलकसे मजा बनेपुगल ।
........✍️ संगम चौधरी
एक टिप्पणी भेजें
0टिप्पणियाँ