थारु गित भिडियो जियरा नलागे

भिडियो घरेम टाँगल मकैक जेंटा, चिर्हि डोनि ओ मच्छि मर्ना डिल्या से सुरु हुइट् । अोहोर छबिलाल कोपिला छिट्वा अगोर्ले पगरी परर्ले मकै निखोर्ठैं ओ खटियामे सुटल कलाकार दिवेस हे कब्लाइट् डेखाइट् । लागट् बाबा ओ छावक नाट रठिन् बाट काहो बुझे नै सेक्जाइट् मने सुने बेर गरिबनके हालट् ओ अवस्थाके रहट् । साइड जरुर कुछ बरवार खट्का डेहल जस्टे लागट् । 

छावा प्रदेस जैना ओ रुप्या कमैना बाट डेखाइट् । इहे संगे दिपेस हे विदेमे काम करट् देखाइट् कलेसे एहोर दिपेसके हुइना वाला डुलहि मधु घरे लौका छिलट् डेखा पर्ठिन् । उहे बेला एकठो लौन्डि डौरट् आइट् डेखाइट् लागट् कुछ जरुरि खवर डेहे आइटा । मुधु उ लौन्डिक बाट से खुशिक मारे कट्ना टिना छोरके हडबडैटि घरेमसे निकर्ठिन ओ छट्रि ओहोरके डौरट् डोसर घर जैठिन । 

कारन विदेश से फोन आइल रठिन् मधु फोन कानेम लगाके बैठ जिठिन ओ मिठ धुनके संग गित सुरु होजाइट् जियरा ना लागे हो सजना टरपठुटुहार बिन, टुहार याड नै सटैला नाहो कौनौ डिन .... । फोन मे रोइटि मधु हे अपन मनके राजासे मनक बाट सुनाइट् डेखाइट् । ओहोर दिवेस के फेन ओहे हाल रठिन परदेसि जिन्गि दोसरके अधिनमे रहेपर्ना । परदेस गैल दिवेस गाउँ घरक् याडमे रठैं । गाउँमे भैंस चह्रैलक् संस्कृिटक् कार्यक्रम कर्लक् सुन्दर लडिया बनुवा पुल घुम्लक् स्कुल जाइबर मधुसे भेट हुइलक् ओ बिछोड हुइलक पल डेखाइट् । दिवेस ओ मधु नुकछुपके भेट करट नाचट् रमाइट् डेखाइट् । डुनुजे एक डोसरके मायामे रमैठैं खुसि रठैं डुनुजे एक डोसर हे मन पराइ लग्ठैं । इहे बाटेम लौन्डक बाबा ओ लौन्डा लौन्डिक घर गैल डेखाइ असिन लागट् जरुर लौन्डिहे मांगे आइलटैं । एक ओर लौन्डिक बाबाहे डेखाइट् ओ टिनु जे अपन कुर्सिम बैट्ठैं । ओहोर लौन्डि डुवारिम से झक्याके हेर्ठिन डुनुजहनके लजर मिल्ठिन ओ डुनुजे मुस्कुरैठैं । 

लौन्डा चटक्क संपरके आइल रठैं मने जुट्टा फाटल रठिन । लौन्डि बाबा उहे फाटल जुट्टा डेखैटि छाइ नै डेना बाट करके उठके जाइट् डेखाट् लौन्डा लौन्डिक बाबा पाउ पकरके लौन्डिक् भिख मागट् डेखाइट् उहाँ बरे जोर डब्निभिर्या हुइठिन ओ लौन्डिक बाबा लौन्डिहे तानके लैजाइट् डेखाइट् । 

एकर पाछे मधु नुकनुकके फोनमे बाट् कर्ठिन ओहोर दिवेस परदेस मे मधुक यादमे टरपठैं । कुछ समय पाछे दिवेस बहुट् रुप्या कमाके लन्ठैं ओ लौन्डिक् घर झोला भर रुप्या लेके गैल डेखाइट् उहाँ जाके अपन ससुरुवक् चरणमे उ रुप्या बिट्कोरल डेखाइट् इ डेक्के लौन्डिक् बाबा अपन छाइहे उठहिं छोरके गैल डेखाइट् । आप दिवेस ओ मधुक उक्वार भेंट हुइठिन डुनुजे संगे हाँठ्मे हाँठ् मिलैंठैं ओ भोज करडेठिन  । आप डुनुजे एक प्रानि होके संग संगे रहना बाचा कर्टि संगे नेग्ठैं । असिके इ गितमे छोट कहानि ओराइट्। 

गितमे स्वर डेलेटैं  Doshharanओ Annu Chaudhary 

Lyrics/Music :- Doshharan Chaudhary  के हुइन ।

भिडियोमे मुख्य भुमिका बटिन Dibbeshओ Madhu Chaudhary के

भिडियो मजा बा मन छुना मेराइक् बा एक चो नाहि बार बार हेरडेबि । धन्यवाद!