टिनाटावन बारी

बरेम

घरक लग्गे ठोरचे ठाउँमे ठोरठोरचे सागपाट धनिया नसुन मेठी मिर्चा अन्य भनसरियन चहना सक्कु चिज लागैना ठाउँ हे हम्रे थारु वारि कठि । इ बारि परयार अन्सारके क्षेत्रमे बनाइल रहट । करिब ५/६ जहनके परयारके लाग आढा कट्ठा के वारि ठिक्के हुइट । काइल मिर्चा नसनक् पट्टा हरियर ढनियक चट्नि सारिसा हस खाइ मिलठ । अस्टके बेन्ह्वामे फलफुल अमरुट आरु सलिफा अनार जसिन चिज लागाइ सेकजाइट । 

आवश्यकता 

मजा स्वास्थ्य सुरु करक लाग सन्टुलिट खाना खैना जरुरि बा  । सन्टुलिट स्वास्थ्य खाना के कमिसे सुख्ला ( कुपोषण ) हुइट । नेपालमे पोषण के स्थिटि बरे कमजोर बा  । मुख्यतया हमार डेसमे भिटामिन 'ए', फलाम, आयोडिन ओ प्रोटिनके कमि हुइल पाजाइट । अगर मेरमेरिक ताजा लावा टिनाटावन समावेश करेसेक्ले से सन्टुलिट खाना आपुर्टि हुइ । तसर्थ टिनाटावन वारि सक्कु नेपालीनके घर घरेम बनाइ सेक्लेसे  सुख्ला (कुपोसण) हे बहुट हदसम्म कम कराइ सेक्जाइ । 

फाइडा हुइना 

० सन्टुलिट खाना आपुर्टि हुइना ।

० टिनाटावन बारिम काम कर्लसे स्वस्थ्य मजा हुइना ।

० समय ओ रुपयाके बचट हुइना ।

० घर अंगना घोट्टैल रहट ।

० खाली रहल समय उपयोग हुइट ।

० विषादिमुक्त ओ ताजा टिनाटावन खाइ मिलट ।

बारि बनैना योजना

० टिनाटावन वारि घरक लग्गे घाम लग्गा ठाउँम हुइपरट ।

० भन्सा करलक पानी तथा नल्किक पानी जेहडरा (लेहडरा) मे संग्रे परट ।

० धेर हुइलक पानी निकास करे बन्ना हुइपरट ।

० चारु ओरसे बेन्ह्वा लगाइल हुइपरट ।

० मल बनैना घुरौरा बनाइ परट ।

० कुल्वा, नेग्ना डग्गर ओ टाँटि आदिके व्यवस्था हुइना मेरिक जग्गक रेखाङ्कन करेपरट ।

० बारिक उत्तरक पाँजर बेन्ह्वम छोट रुखुवा हुइना फलफुल लगाइ परट ।

० पहुर्ना टिनाटावन बारिक बेन्ह्वम लगाइ परट ।

० ठोरचे फेन ठाउँ खाली हुइडेहे नै हुइट कुछ लगाइ डारे परट ।

० एक्के चिज हुइले से फेन १५ डिनिक् फरक मे बो डारे परट ।

० बिहिन छिट्ना ठाउँ अल्गाइ परट ।

० मन डारे वर आवश्यकता अनसार कम्पोष्ट मल, पिसाब मल, भुवक मल, झोर मल जसिन प्राङ्गारिक मल बेल्से परट ।

० सिजन अनसार टिनाटावनके बालि चक्र हेर्के लगैटि रहे परट ।

० किरालग्ले से बिर्वा नै छिट्के पकर्के म्वाइ परट ।

असिके शुद्ध ओ ताजा टिनाटावन खाके हम्रे स्वस्थ्य रहे सेक्ठि । ओराइल ।