अग्रासन

नमस्ते स्वागत छ यस नयाँ साहित्य रचनामा । गल्तीभए सच्यार पढिदिनुहोला । सके सम्म पुरै हेरिदिनुहोला । धन्यवाद !

अग्रासन

कठैं छाइ घरक गहना हुइटै । छाइ नैरहल घर पट्पटाइ ओ उजरल रहठ । छाइ जात घरक डिया जस्टे हुइटैं । घर से लेके बनुवा लडिया खेटुवा सम छाइन के उपस्थिति रठिन । घरमे कुट्ना पिस्ना से लेके भाट भन्सा, निप्ना-पिटोर्ना, वारि-बेउरा हेर्ना हर साँझ बिहान का तिना रिझैना का खओइना बाटके चिन्ना रठिन छाइनके । घरेम निना नैलेसे घोंघी सुटही मच्छि मार्के एक एक चिकुट्टा हुइलेसे फेन भात सट्कोइले रठैं । आउर कुछ नै मिल्लेसे बनुवम मिल्ना कोचिएक साग, एक पटिएक साग, डाखिक साग, फुट्कि, भेम्टि, नानके कपुवा लगाके हुइले से फेन घरक मनैन पुगैना कर्ठैं । अप्ने ना पुगे मने घरक मनै पुगजाइठ कना सोचमे रठैं छाइन । 

जलम लेना डाइ बाबाक संगे बर्ना खेल्ना जवान हुइलेसे उहे घर छोरके जुनि भर डोसरके घर सवर्ना ओ उहे घर जिन्गिक अन्तिम कहानी लिख्ल रठिन । साइड यह कारन हुइ लैहरिक मनैनके अपन छेलि बेटिनके ढेर झम्ना कर्ठैं । जलम लेलक रोज से संगे खैलक पिलक छाइ दिदी बाबू पराई घर जाके कसिक जुनि कटाइटा कना चिन्ता हर बाबा डाइ के रठिन । कसिन खाइता कसिन लगाइता कसिक बतिस जिउ ज्यान कहिके हर डाइ बाबाके रठिन । उहे मारे हुइ हर खानपिन के मे लैहरिक मनै अपन चेलिबेटिन सम्झठैं । ओ खैनापिना के लाग नेउटा पठैठैं । टर टिह्वार मे छाइन बलैना खओइना पिओइना ओ सुख दुके बाट साटिक सांटा कैके मनक भर्वा हलुक करैना डेखजाइट । चेलि बेटि डुर रलक मारे आइनै सेक्लक ओरसे साल मे एक रोज अग्रासन डेहे चलन बा । अटवारी अस्टिम्कि अग्रासन ओ माघक निस्राउ चेलि बेटिन डेना चलाउ देखापरट । 

अटवारिक अग्रासन जसिक फेन अपन चेलिबेटिन देके छोर्ना बराभारी ओ गहिर मैयाँ प्रतीक अग्रासन हे मान जाइठ । इ अग्रासन नै पुग्लेसे छेलिबेटिन के मनेम लग्ना हुइलिन मोर लैहरिक मनै मोर मैयाँ मरडेलैं । ओ एहोर लैहिक मनै अग्रासन देहे नैगैलेसे हसिन लग्ना हुइल कि हमार चेलि बेटि नै हुइ कि का    । सबसे भारी मैयक पहुरा अग्रासन हमार चेलिबेटि से गहिर ओ भारी सम्बन्ध बनैना करठ । 

सायड अस्टे गहिर मैयाँ मे पौंह्रल एच.एम.चौधरी गजलके लएमे लिख्ले बटैं ।

डिडि असौं हग्रासन डेहे जैम टुहिन ।

हपन रिट संस्कृटि नै छुटैम टुहिन ।।

ढेर पानी बर्सल बावै असौं फेन ,

हिल्ला किचा डगर नै भुलैम टुहिन ।

टुहनिके घर बार्ह पेलल् रहे हुँ असौं,

ओहे बाट बटाइ मै अइम टुहिन ।

घर परिवारके कैसिन बा हाल खबर,

नाट अन्सार सेवा ढोग जनैम टुहिन ।

डिडिक घर गैलक ढेर होगैल बावै

माघ आइटे जरुर बलैम टुहिन ।

कैलारी ४ (के) गाउँ कैलाली