गजल एक पर्खा
ना एक ना दुई टुहिन संग प्यार बार बार हुइ।
कबु हुइबे नै करि रुकावट बस लगातार हुइ।
आब तुँ मै एक दोसर के हो जाब टे प्यारी,
उ दिन हरेक पल तोहार लाग यादगार हुइ।
समय नै मिललमे बात चित नै हुइ हमार फें,
मने मनभरके तोहार मैया हमेसा आपार हुइ।
आझ फुल्ना काल्ह निमझैना मैया नै हमार,
कबु नै छुट्ना रुक्ना जिन्गी सदाबहार हुइ।
प्यारी, इ स्वार्थी दुन्यम कबु नै हेराब कहु फेन,
एकदिन जरुर मैया से भरल अलग संसार हुई।
गजल डोसर पर्खा
गरिबके झोंपरिम सोनक रास नखोजो।
मैया कर्ना मुटु औरकुछ खास नखोजो।
करिया भड्डुम पाकठ दुइ छाक खैनाफें,
झोंपरिक छौंहरिम महलके बास नखोजो।
सपना फें देखे छोरदी हम्रे गरिब मनै यहाँ ,
अधुरा सपनम सुग्घर यहाँ आभाष नखोजो।
रात दिन काम कर्के का खाउँ का लगाउँ बा,
भुख नै मेटैना भोजनके हेरो गास नखोजो ।
गोन्द्री,दरी,गडेलिम रात बिटाइ परठ प्यारी,
जिउ पिरैटि रहठ लचकदार कपास नखोजो।
गजल टेसर पर्खा
आब हलहिल तोहार बैठना शहर छोरटु प्यारी।
मैगर मैयक बिश्वास टुटल टे रहर छोरटु प्यारी।
हाँसी खुसी रह हो सुन्दर इहे अलग संसार मे,
जिबन भर तोहार खुसीके प्रहर छोरटु प्यारी।
कनाटे कहो हमार मैया एक लर्हिक दुइ पहिया,
मिलनके अस्रा ओराइल टे सफर छोरटु प्यारी।
लदिया हस बहटी जाइटो अक्केली तुँ किल टे,
उहे छल्का मे संगे बहना मै लहर छोरटु प्यारी।
देखैना टे देखैलो जे सुन्दर सपनाके महल फेन,
सपना के उहे सुन्दर अपन फें घर छोरटु प्यारी।
गजल चौठा पर्खा
छोट मोट गुजारा से चल्टी बा जिन्दगी इ।
फरक डगर नियतिसे छल्टी बा जिन्दगी इ।
संघर्षमे नेङ्गे पर्ना पाइला आघे सार सारके।
मिच्छाके बिच डगरम् गल्टी बा जिन्दगी इ।
सजाके ढारम मनके झोंपरीम् कठु प्यारी ।
रहरके राह लागके फें जर्टी बा जिन्दगी इ।
औकात के बात करथ इ स्वार्थी समाज फे।
गरिबी के बगिया मे फर्टी बा जिन्दगी इ।
उठैम कठु कपार अपन इहे बस्ती समाजमे।
गोरा टन्ना हुरबाजी से ढल्टी बा जिन्दगी इ।
गजल पंचवा पर्खा
खुँटा पस्ठी कोरै बट्टा चर्हल घर हुइ परल।।
भग्रा चुरकी खेझरिक छैना खर हुइ परल।
टबना बनि हमार चुक्की ओ घरछौनी खाइ,
घरघरसे निक्रना समाजके खबर हुइ परल।
खेती बर्खा आगैल गोबर मल दर्ही पर्ना हो,
कट्नी सिजन मन लल्चैना फरगर हुइ परल।
पुर्खनके रखाइल बारी बेउँरा फें मल्गर बनैना,
बुदुनके हस मेहनत नात्यनके रहर हुइ परल।
कहाँ सम पर्टी खेत्वम भग्रा जमैले रबो गोचा,
कोद्रा फर्हुवा लोहिया हरसे भर भर हुइ परल।
साभार फेसबुक 
कैलारी ८ दख्खिन टेह्री, कैलाली।
एक टिप्पणी भेजें
0टिप्पणियाँ