मैयाँ ना मरहो

नमस्ते स्वागत छ यस नयाँ भावना मा । धन्यवाद !

भावना

संघरिया कना नाट बरे बाझल नाट हो । जिन्गिम केकरो ना केकरो साथ जरुर चाहट । मनक बाट साँटिक साँटा करक लाग, हाँस खेल करक लाग, छुख समस्यामे परलमे संघरिया चाहट । हमन उत्साह सल्हा सुझवके लाग संघरिया चाहट । 

जब जिन्गि उडास ओ सुनसान अकेलि लागट टब हम्रहिन नेङनास घुम्नास पौहनि खैनास मन लागट ओ नाटपाँट के याड कर्ठि । खेले पहुनि खाइ जैठि ओ सुख डुखके बाट करके मन हलुक करैठि । अबक समएमे नाटपाटन से भेट कर्ना सजहे बा । मोबाइ से फोन करके एक डोसरके भावना बुझे सेक्ठि । बटाइ सेक्ठि । 

बिडा हुइटुँ आझ मैयाँ ना मरहो ना ।

जरुर भेंट होब अस्रा ना छोरहो ना ।

राटदिन भुख पियासमे संघारल अस्रा,

डिलके कोनुवाँमे सजाके ढरहो ना ।

अगर याद आइ मोर टुहिन कलेसे,

मोर पठाइल पहुरा उघारके हेरहो ना ।

अन्जानमे मन दुखाइ पुगैम कलेसे,

मैंयाँ मानके कहल शब्द सोंचडेहो ना ।

परमेश्वरके इच्छा पुरा होए ढरटिमे,

जिन्गिक परगाक् लाग दुवा करहो ना ।

संगम चौधरी....✍️