गुर्हि अस्रैना

नमस्ते स्वागत छ यस नयाँ साहित्य रचनामा । गल्तीभए सच्यार पढिदिनुहोला । सके सम्म पुरै हेरिदिनुहोला । धन्यवाद !

गुर्हि आइल असौ फेन

हरेक साल हस असौक साल फेन गुर्हि अस्रैना बेला आइटा । रंगि बिरगी सोंटा ठठैना बेला आईटा । गुर्हि कलक झिंगोरा के प्रतीक चिरकुटिक छोट-छोट मनैनके अकारमे खोब सुग्घुर सुग्घुर दुल्हा दुल्हि हस बनैले रठै । ओकरे संगे खैना भुजा फेन तयार कैले रठैं ।

गुर्हि अस्रैना कार्यक्रम गाउँक निकास हुईना मुख्य चौराहामे करजाईठ । ई कार्यक्रम ठिक्के नाग पंचमि परेजाईठ । टबे मारे बहुट जहनके बिचार अइठिन थारु जाति असिके नाग पंचमि मनैठै । ई तिह्वार मनैना लक्ष एक्के हस बा । विस्वास बतिन असिके गुर्हि अस्रैले गाउँक डोख/दु:ख बेराम/रोग निकरके जाईठ ओ बिसहा किरा साँप गोजर से बचे सेकजाईठ । ठिक्के नाग पंचमिमे फेन अस्ते विस्वास सुनैठैं । मने हमार गुर्हि अस्रैना चलन फरल बा ।

थारुनके समाजमे इ तिह्वार फरक मेरके मना जाईठ । थारुन मुख्य पहिरन ओ गित नाचके साथ सारा घाउँक छोट से भारी मनैके बगाल रहठ । बरे चैनार रहठ उ बेला टबे मारे गजलकार विस्वदेव चिलरहुवा असिक गजल मे गुर्हिक बयान करले बटैं ।

मनके भावना गजलमे

असौक साल गुर्हि अस्रैटि मजा लागल ।
रंगिबिरंगि सोटासे ठठैटि मजा लागल ।

अपन संस्कृटिमे सजल भैया बाबुन से
ढोटि फरिया फेन फहरैटि मजा लागल ।

सक्कुजे लाइन लागके बाबु भैयन् संग
भुजा गुडा मांगके खओइटि मजा लागल ।

सालो साल मनैना इ बर्का तिह्वार मे
इटिहासके पन्नामे लिखैटि मजा लागल ।

भल्मन्सा अघरिया घर भराली सक्कु जे
झुम्रा गिटमे नाच मचैटि मजा लागल ।

कैलारी -३ खोनपुर कैलाली